365 - Nýtt partý, sömu gestir

Jón Ásgeir Jóhannesson hefur sagt að það sé nú ekki eins og hann sé einn um að fá fyrirtækið keypt á brunaútsölu af sjálfum sér, hinir hluthafarnir fái allir að vera með í kaupunum.

En hverjir eru þessir "hinir" sem Jón talar um?

Þetta eru stærstu hluthafarnir, með um 99% hlutafjár í fyrirtækinu:

1. Stoðir Invest ehf 17,00% 2. GLB Hedge 15,71%3. Landsbanki Íslands hf,aðalstöðv 11,77% 4. Baugur Group hf 9,77% 5. 365 hf 9,35% 6. Arion safnreikningur 9,00% 7. FL GROUP hf 8,05% 8. Fons hf 7,16% 9. Runnur 2 ehf 2,59% 10. Runnur ehf 2,59% 11. Saxhóll ehf 1,81% 12. Runnur 3 ehf 1,73% 13. Runnur 4 ehf 1,02% 14. Hugskot ehf 0,87% 15. Saxhóll Invest ehf 0,43%

Og viti menn. Hverjir ætli eigi þessi fyrirtæki, fyrir utan auðvitað Landsbankann sem mun nú varla taka þátt í kaupunum og þessa safnreikninga?

Jón Ásgeir Jóhannesson, Magnús Ármann, Jón Þorsteinn og Pálmi Haraldsson. Lítinn hlut hluti eiga svo Tryggví Jónsson sem þekktastur er fyrir að hafa verið forstjóri Baugs en er nú starfsmaður útlánasviðs hins nýja Landsbanka og Ari Edwald forstjóri 365.

Þegar Jón Ásgeir talar um að hinir hluthafarnir megi auðvitað líka vera með í partíinu hans, þá á hann við samverkamenn sína til margra ára, sömu mennina og voru með honum í ævintýrum síðustu ára, mennina sem sáu um að söðla nokkra gamalgróna sparisjóði undir hans valdablokk, sömu mennina og stóðu að hinum dularfullu kaupum/sölu á milljarða hlutabréfum úr Landsbankanum rétt fyrir yfirtöku Fjármálaeftirlitsins.

Þessa menn:

 

(á myndinni er reyndar einn sem mun ekki er líklegt að verði í "nýja" hópnum, Árni Hauksson sem hefur sagt sig úr stjórn 365)

Athugasemdir

[Nína S (IP-tala skráð) 14.11.2008 kl. 00:14]

Og hvaða reglur um viðskipti og fjármálarekstur í íslensku samfélagi gera þetta kleift? Auðvitað nota auðmenn sér allar hugsanlegar smugur, enda hafa þeir heila í það. Málið er bara, hvar eru heilarnir sem eiga að setja skorður við uppgangi auðmanna? Hvar eru reglurnar? Lagaákvæðin? Ísland er bara lítil Ameríka og eiga ekki auðmenn heilu blöðin og fjölmiðla erlendis, s.s. í Bandaríkjunum? Hættum að argast í fólki eins og Jóni Ásgeiri og fleirum sem notfæra sér allar gloppur og smugur til að hagnast. Einbeitum okkur frekar að því að setja heilbrigðar reglur fyrir lítið land.